أنا تعبت خلاص , وأخر ما زهقت , اخدت لحظات مع نفسى
عايزه أعرف مين اللى غلط , أنا ولا هما , ليه هو أنا مش منهم
مابقتش أعرف مين بيحبنى ومين بيكرهنى
, واللى بيحبنى بيحبنى ليه , بيحبنى كشخصيه ولا عشان مصلحته
ماهو اللى بيحبونى دولا ساعات بيتجاهلونى , يبقى بيحبونى إزاى
واللى بيكرهونى دولا بيكرهونى ليه , مافتكرش إنى ضايقت حد فى يوم
ولما بضايقهم بعتذر علطول وبعترف بغلطى ,,,
يبقى ليه يكرهونى !!
بقيت أشك فى كل اللى حواليا إنهم مش طايقنى وكارهنى
حتى اللى بيحبونى , حسيت إنهم مستحملنى , وزهقوا منى خلاص
أنا مين معايا دلوقتى , أنا بقيت لوحدى خلاص , محدش يقولى لا
لأنى أنا حاسه بكده , التصرفات أتغيرت , أسلوبهم أتغير معايا
طيب أنا بحب مين وبكره مين
مين قريب منى ومين بعيد عنى
مش عارفه ,,, مابقتش عارفه أى حاجه ,
أكلم الناس ومايكونش غرضى اى حاجه , بقوا يفهموا الكلام غلط
وياخدوه بمعنى تانى خالص , هل العيب انى موصلتش الرساله صح
ولا هما مش بيفهموا ,,مش عارفه
أنا كرهت نفسى وكرهت الناس
قولت هكون صداقات جديده وكده يبقى الموضوع اتحل
طب إفرضى الناس دولا مش عايزينك تفرضى نفسك عليهم ليه !!!!
إنتى عايزه ايه دلوقتى ,,,, برده مش عارفه
خلاص خليكى فى حالك ملكيش دعوه بحد ,,,, بس مش هقدر أعيش
مش عارفه هما محتاجلنى ولالا بس أنا محتاجلهم جدااا
العيب من مين منى ,,, أصل أكيد مش أنا الصح وهما الغلط
طب أنا ليه بحس بكده ,,, مش عارفه برده
إيه اللى إتغير برده ,,, كلامهم ,,, طب إزاى ,, مش عارفه
بس هما إتغيروا وخلاص
أنتى أصلا مش فاهمه حاجه ,, هتفهميهم إزاى طيب
وهتوصلى اللى عايزه تقوليه إزاى
مش عارفه ,,,, كرهت نفسى وكرهت الناس ......
